காணவில்லை.

பதிவுலகில் முன்னர் தொடர்ந்து பதிவிட்டு வந்த பதிவுலக நட்புக்களில் சிலர் இப்பொழுது பதிவிடுவதில்லை.என் ஞாபத்தில் வந்தவர்களை வரிசைப்படுத்தி பட்டியலிடுகின்றேன்.

தோழி செந்தமிழ்செல்வி.மலர்வனம் என்ற தலைப்பில் தனது டைரியையே மற்றவர்களுக்கு சமையலறையில் உதவிட பதிவிட்டவர்.தனிப்பட்ட முறையில் இவருடனான தொடர்பு இருந்தும் செல்போனில் இரு முறை தொடர்பு கொண்டும் பேசமுடியவில்லை.

ஷஃபிக்ஸ் என்ற தலைப்பில் பதிவர்களுக்கு எல்லாம் பாங்குற பின்னூட்டி,உற்சாகப்படுத்தி,தான் மட்டும் மிக குறைந்த அளவே பதிவிட்டு வந்த பதிவுலகத்தூண் ஷபி

பிரியாணி என்ற சுவாரஸ்யமான தலைப்பை வைத்து பிரியாணியை கண்களிலே காட்டாமல் மற்ற ஆக்கப்பூரவாமான கட்டுரைகள் தந்து தன் பிளாக்கை கலகலப்பாகிக்கொண்டிருந்தவர்

கருவாச்சி என்ற பெயரில் சுவாரஸ்யமாக பதிவுகளிட்டு வந்த சகோதரர் காஜா ஷரிப்.

ஹர்ஷினியின் அம்மா ஹர்ஷினிக்காக என்ற தலைப்பில் தன் மகளைப்பற்றி சுவாரஸ்யாமாக எழுதி வந்ததுடன்,கதம்பம் என்ற பெயரில் தனது சமையல்,கைவினைப்பொருட்களை பகிர்ந்து வந்த சகோதரி

அம்முவின் சமையல் என்ற தலைப்பில் தனது சமையல் குறிப்புகளுடன் செய்த சமையலை எழிலுற அலங்கரித்து கண்களை கட்டிப்போட்ட அம்மு மது

பித்தனின் வாக்கு என்ற பெயரிட்டு பதிவர்களை கற்பனை செய்து நாடகமே போட்டு அசத்திய சுதாகர் சார்

வெல்கம் டு சுஸ்ரீ கிரியேஷன் என்று அனைவரையும் வரவேற்று தன் சமையல் திறனைகாட்டி வந்த சுஸ்ரீ

விமர்சனம் என்ற தலைப்பிட்டு கட்டுரைகளோடு,கவிதைகளையும் அள்ளித்தெளித்த மலர்

என் ஐ ஆர் இதயத்தை கடைசியாக கவிதையில் வடித்து விட்டு ஊருக்கு போய் வருகின்றேன் என்று புறப்பட்டுப்போன சகோதரர் மனவிலாசம் நவாஸுதீன்

அதே கண்கள் என்ற தலைப்பில் சென்னைதமிழிலில் டெக்னிக்கல் விஷயங்களை பாங்குற பகிர்ந்த டவுசர் பாண்டி அண்ணாத்தே,இவர் இருப்பிடம் மரியாத்தா கோவிலாண்டே இருக்கின்றது என்று குறிப்பிட்டதால் மாரியாத்தா கோவில் பக்கமாக வழி நடக்கும் போழுது அந்த கண்கள் தென்படவே இல்லையே

சகபதிவர்களுக்கு ஓட்டும்,பின்னூட்டங்களும் சளைக்காமல் போட்டு வந்து பதிவுகளை மட்டும் மிகக்குறைந்த அளவில் போட்டு வந்த அண்ணாமலையான்

மற்றும் இப்பட்டியலில் இடம் பெறாத காணாமல் போன சக பதிவர்களும் தொடர்ந்து வந்து பதிவுலகை தங்கள் பதிவுகளால் கலக்கி சுவாரஸ்யம் கூட்ட அன்புடன் மற்ற பதிவுலக நட்புக்களின் சார்பில் அன்போடு அழைக்கின்றேன்.

Tweet